كتب /حسن الشامي

تقول : كان بسيط جدًا ومكنش له حد فى الدنيا،،، يوم جوازنا قاللي انا مليش حد فى الدنيا دي وانتِ زيي ف ينكون لبعض سند يا نخلينا بعاد وكل واحد يتعب فى الدنيا لوحده. واتعاهدنا نكون سند لبعض.

– بعد فترة لما دخل الفن حياتنا بقت أفضل وبدأ يبقى معاه فلوس وأبتديت أخاف لا يتجوز عليَّا ف بقيت أهتم قوي برضاه فوق العادي لدرجة أنُه لاحظ وفهم ف قاللي : أنت خايفة لتجوز عليك يا خضرة عشان أغتنيت وبقيت مشهور شوية واعرف ناس يمكن احسن منك ف الشكل ؟! متخافيش وأطمني مش انا اللي أنسى أصلى ولا أنسى الست اللي وافقت تشاركني حياتي وانا مكنتش لاقي اكل.

– يوم وفاته كان عنده عرض مسرحي وتعب جدًا، الكاستنج كانوا هياخدوه ع المستشفى ف رفض وطلب منهم بأستجداء يرروحوه عند مراته،، بتقول انهم حكولها انه قالهم،، ودوني عند خضرة بالله عليكم عاوز أموت وانأ مطمن.

– على الشريف لما رجع بيته جمع ولاده وقالهم هوصيكم وصية “أمكم دي أفضل ست ف الدنيا متهينوهوش بعد مماتي، بالله عليكم متهينوهاش (وبكى)”.،، خضرة بتحكي وهي بتبكي بتقول : مش قادرة انسى انه كان بيموت وخايف عليا وبيوصي ولاده عليا يعززوني وميهينونيش.

– بتقول انه ف اللحظة الأخير قبل وفاته قالها : متصرخيش عليَّ بعد ما أموت وخلي بالك من الولاد ولو عاوزة تتجوزي اتجوزي انا راضي والله يا خضرة، ووصاها تعمله عمره ومتنساش حتى لو أتجوزت غيره وفالنهاية صلى ع النبي وأتشاهد وقال جايلكم يا أهل البيت.

– الراجل الحنين الوفي أبن الأصول رزق، وياما ناس كتير بيصونوا العشرة ويخافوا ع اللي منهم وهما عايشين وحتى وهما ميتين،، خافوا ع اللي منكم،، صونوا العشرة،، متتغيروش ع اللي رضي بيكم ف ضعفكم وترموه لما تبقوا اقويا بالعكس كرموه وشيلوه فوق راسكم.