الرئيسية آخرالاخبار آراءحرة أخبار عاجلة أخبار عالمية أخبار عربية أخبارالعالم العربي اخبارعالمية الصحافة العالمية الصفحة الأدبية صحافة عالمية صحافة محلية
قصيدة يا رب كانت حكمتك للشاعرالمصري الكبيرحسام جاد…
الخميس 28-01-2021 13:19
التايمزالدولية
يا رب كانت حكمتك
فى الجرح لكن
دواء جراحى برحمتك
فى الدمع ساكن
وان زاد عذابى بقدرتك
بارك دموعى
تغسل ذنوبى كلها
من بين ضلوعى
ده انا شفت ياما من البشر
ظلم وجراح
لكنى ما عرفت الندم
يوم على اللى راح
وكان ايمانى بالقبول
صاحبى وطريقى
وان عذابى فى دنيتى
شئ مش حقيقى
وان كان نصيبى فى الحياة
من الظلم ياما
عوضنى عنها بفرحتى
يوم القيامه
اهنى عينى برؤيتك
والقلب راضى
والسلوى بدموعي الحزينه
راح تبقى ماضى
اضف تعليق
