شوفت حروف شوفت حركات
شوفت النصب بين الاخوات 
وحرف الغل رفعنى دفعنى
ومالقيت غير ربى نفعنى
حروف صامته حركات قولان
والتجعير فى وسط الميدان
لا تعرف ليه ولا واخد كام
يا ما تشوف حروف وحروف
وتلاقى اشكال على الوان
فين الحيقيقه والمدلول
حرف اعمى شايل مشلول
والجمله ماشيه والسلام
فين الحقيقه فين القولان
الدنيا تلتنها الوان
وهى فى بقه لبان
اوعاك فى يوم
تيجى تسئلنى
عن الكفيف اللى قتلنيى
ولا جيت ازاى
شوف الكسيح
اللى حملنى
انا الحروف
المخنوقه 
ويا مشاكلكم مزنوقه
الدنيا مش محتاجه شده
الدنيا مش محتاجه كسره
الدنيا دى محتاجه روقه
واصل الحكمه مسروقه

الحكمه بتفتح ابواب
وتكتر وياك الاصحاب
سامعنى يا اولى الالباب 
واصل الكلام خد وهات
حتى اقرا كتب الخوجات
يقولولك ايه نابكم
اقرأ كتابكم
وبلاش نابكم 
يغلب انياب الكلاب
الدينا حروف
بس اعدلها 
من غير خوف