الرئيسية آخرالاخبار أخبار عاجلة أخبار عالمية أخبار عربية الصحافة العالمية الصفحة الأدبية المسابقةالأدبية الدولية لصحيفة التايمز الدولية بـأقلـام الـقـراء بأقلامهم شعر وشعراء صحافة عالمية مختارات صحيفة التايمز الدولية
أعمال المتسابقين في المسابقةالأدبيةالدولية للتايمزالدولية…من مصرالشاعر/بــلال إبراهيم محمد اسماعيل
الخميس 08-06-2017 04:29
ضــغـط نـفـس
كالعادة يشقلب دنيتك
بالوحدة تبدا رحلتك
تسأل نفسك 100 سؤال
ملهمش جواب حواليك
هدووووء
فجاة يتحول لصوت موال
والسكات يقلب كلام
والكبت بينزل دموع
من عينيك
وكإنه شلال
وإحساسك مسجون
بين التلال
وانك تهرب مفيش مجااااال
ومن تاني تسرح ف التفاصيل
وقلبك يرجع للحزن يميل
وتشوف هدفك قدامك
من سواد الليل شى ضئيل
ووجودك ف الحياة مالوش تفسير
وانك تكمل وتسير
وتتحرك بقت حاجة شبه مستحيل
وللضلمة مفيش دليل
وتحكم على نفسك
بنفسك تستحمل
كتير وقليل
وغصب عنك ترضى
مفيش محال
ولا للهم بديل
والفكرة تستعرض أفكار
تسرق من عينيك النوم
ولاتعرف تبات الليل
وتجيب العمر من الأول
وف لحظة تضيع منك راحة البال
وتبدا من نفسك تمل
تعمل عكس اللي جواك
واللي جواك دايما للأبيض بيميل
أمانة عليك ياصبح طل
عايز ارجع تانى طفل
كان همى لعبة زى العيال
لما كبرت كترت ضغوطى
ودماغى تعبت من التفكير
وبكره الزيف والتطبيل
تتجسد ف الأخر
حالة تنتهي بكام سيجارة
وقهوة سااادة ف فنجال
وترجع من تاني لنفس الحال
تبص لشعرك تلاقيه شاب
وانت لسه ف سن الشباب
والسكون يتحول زلزال
ويسيطر عليك الحزن
ويخليك مربوط بسلسال
والسكات يقلب موال
والدمع ينزل شلال
ضغط النفس لكل بنى آدم
بيبقي للتوهان عنوان
وللحلم بقا سجان
ضغط النفس دمر كتير أجيال
وممكن جداّ يغير الخصال
ويقطع حبل الوصال
وتعشق مراحل الإنفصال
ومشوارك ويومك تلاقيه طال
ومتلاقيش غير الوحدة
والإنعزال
وتبقي قدمت للحياة
برقية إعتزال
ضـغـط النفس.
من مصرالشاعر/بــلال إبراهيم محمد اسماعيل
اضف تعليق
