☆☆☆☆☆☆
ابدا كلامى 
بسلامى للاهل
والاحباب
وكل من شرف
ودق علينا باب
ساالخير وازززيكم…انا زي زيكم
مخلوق انا من تراب ممثل اه
والأسم عبد. التواب
اول حكايتى مرايتى ..انتوا 
الفن داخ معايا باكتر من فريق
وعمره ماشاخ وبيضحك المخاليق
الفن ده قسمتى ودنيتى وكل تركيزى
كفايا اشوف بصمتى على وش عواجيزى

شربته من اللى قابلى واسقيه لتلاميذى
عمرى ما قولت لا فى وش الحق
ولا هزيت راسى ولا حد شاف تأميزى
ابو قلب حب وحن ورق
اهو ده بقى عزيزى
¤¤¤¤¤
تصنيفى انا بالفن
اسمى كوميدياني
والعقل لما أتجن
بهدل بقى كياني
والزن كتير الزن
الطبل فى وداني
احب كل الفن
خيالى والملموس
اصل الفنون جنون
بقيت انا الملبوس
اطبطب ع الزعلان
وادلع المأموص
اضحك اى سن
حتى الواد الننوس
يضحك جمهورى
لما أتاوب
صوتى جهورى
لما اتعاتب
ولما الوى بوزى
يعنىمش عاجب
¤¤¤¤¤
اصلى ممثل 
ساعات واوقات انا كاتب
وعمرى م اكون
مكسل فى قبض الراتب
الدنيا اصلها فيلم 
فيها ضحكه وفيها اه
لازم يكون فى العلم
كله بامر الله
وربك لما يحن 
تكتر معاك هدياه
كله لشيء ما
الشيء والضد
الهزل ويا الحد
الحب قليل تلقاه
وما اكتره الحقد
فى الفيلم ادوار
كتيره
الخصم ويا الند
الساخط والراضي
محامى وقاضي
¤¤¤¤¤
كتار والله كتار
عملت من أدوار
غيابى كان حضور

مميز فى اى دور
عمره ماكان غياب
جمهورى يتجاوب
عاشق دورى وحابب
تملى مستجاب
نظرته هى الشهاده
اه والله ياساده
ضحكته هى الجواب
وهى فرحتى
وبالاخر 
أمضتى
الانسان
عبد التواب