حــالـة حـــــب

لقيتْ نفسي تملى ســــعيدْ =وقلبي طار أخذنى بعــيدْ
وفكري كل يوم مشــغولْ =وباكتبْ كل يوم في جديدْ
ولما أشــــوفْ ورود أفرحْ =ودق القلبْ يبــــقى شديد
سألتْ الناس على حــــالي؟=وإيه غير في أحـــــوالي؟
سمعتْ كلام كتــير لكــــن =محدش قال لى إيه مالي؟
سألتْ الطير يكون يعـرفْ =قالى لى وقعت ياغاــــلي
ورحتْ اسأل وانا حيــران =سألت الزهر في البســتانْ
وحالتـــي كل يوم بتــــزيدْ =وشـــــارد والفؤاد هيمــانْ
قابلنى شيخْ عجوز قال لى =تعوذ ياابنـــى م الشـيطان
سألت البدر باســـتعطافْ =جاوبنى إنــــت ليه بتخافْ
دى قــصة حب مكتوبة =على جبينك ودى الأوصاف
وقلـــبكْ بالهوى مشـغولْ =حبـــــيبك كامل الأوصاف
سألــته :إيه علاجى إيـــه؟= وإما أقابلـــه أعـــمل إيه؟
سمعت الرد قال لى تروح =لمحبـــوبك تبـــوس خديه
وغنى الطير على الشباكْ =وقلـــــبي راح لحد هناــكْ
وهل الفــــجر بعد الليل =وقال لى حبـــيبي باستــناك
لقيت نفسي معاه في الحال =وقلت وقال: أنا باهـــواك

                         الفنان الشاعرالمصري /عـبـدالقــــــــادرالحـــــــــــــــــــــــــسيني