الرئيسية آخرالاخبار آراءحرة أخبار عاجلة أخبار عالمية أخبار عربية أخبارالعالم العربي الصحافة العالمية الصفحة الأدبية بـأقلـام الـقـراء بأقلامهم شعر وشعراء
أعمال المتسابقين في المسابقةالأدبية الدولية لصحيفة التايمز الدولية…..من مصرالشاعر/بلال إبراهيم محمد اسماعيل
الإثنين 19-06-2017 10:45
ضغط نفس
كالعادة يشقلب دنيتك بالوحدة تبدأ رحلتك
تسأل نفسك 100 سؤال ملهمش جواب
حواليك هدووووء فجأة يتحول لصوت موال
والسكات يقلب كلام
والكبت بينزل دموع من عينيك وكأنه شلال
وغحساسك مسجون بين التلال
وانك تهرب مفيش مجااااال
ومن تاني تسرح ف التفاصيل
وقلبك يرجع للحزن يميل
وتشوف هدفك قدامك من سواد الليل شى ضئيل
ووجودك ف الحياة مالوش تفسير
وانك تكمل وتسير وتتحرك بقت حاجة شبه مستحيل
وللضلمة مفيش دليل وتحكم على نفسك بنفسك تستحمل كتير وقليل
وغصب عنك ترضى مفيش محال ولا للهم بديل
والفكرة تستعرض أفكار تسرق من عينيك النوم ولاتعرف تبات الليل
وتجيب العمر من الأول وف لحظة تضيع منك راحة البال
وتبدا من نفسك تمل تعمل عكس اللي جواك
واللي جواك دايماللأبيض بيميل
أمانة عليك ياصبح طل عايز أرجع تانى طفل
كان همى لعبة زى العيال
لم كبرت كترت ضغوطى ودماغى تعبت من التفكير
وبكره الزييف والتطبيل تتجسد ف الآخر حالة
تنتهي بكام سيجارة وقهوة سااادة ف فنجال
وترجع من تاني لنفس الحال تبص لشعرك تلاقيه شاب
وانت لسه ف سن الشباب
والسكون يتحول زلزال ويسيطر عليك الحزن ويخليك مربوط بسلسال
والسكات يقلب موال والدمع ينزل شلال
ضغط النفس لكل بنىآدم بيبقا لتوهان عنوان
وللحلم بقا سجان ضغط النفس دمر كتيرأجيال
وممكن جدآ يغير الخصال ويقطع حبل الوصال
وتعشق مراحل الإنفصال ومشوارك ويومك تلاقيه طال
ومتلاقيش غير الوحدة والانعزال
وتبقا قدمت للحياة برقية اعتزال
ضغط النفس.
اضف تعليق
