لو تسمحيلى..

عايز أقولك كلمتين عايشين في قلبى من سنين

اتعلقو بنبض قلب وسحر عين

واتكتب ليهم شهاده

إقرأى معايا…ووضحيلى

وضحيلى.. أبتدي أنا منين…؟

من وصف قلبك واللا الحنين..

واللا النفوس الغرقانين

مابين رموش ونن عين

مهما أحاول أعوم…غريق فيهم

لآلىء مكنونين

ضوءهم كمان بيهدنى

وكسرو منى المجدافين

بقيت سجين…

أنا عاشقهم وقبلهم أنا كنت فين… ؟

اسمحيلى وضحتلك

ماتوضحيلى أبقا بالنسبالك إيه؟

حد عادى انشغلتى بيه ..؟

واللا غرام وبترتاحيلى

واللاأخدها من سكات وأعلنأنا موعد رحيلى

ده لو تسمحيلى

من مصرالشاعر/هانى سمير أغا