أنا السلطان

 أنا السارح ف تفاصيلك

أنا العاشق كل تراتيلك

أنا السابح فى شريانك

أنا المشتاق لترانيمك

…………….

أنا سلطانك ف ملكوتك

أنا صوتك

أنا سكونك

أنا روحك

أنا موتك

أنا بكرة

أنا أمسك

عشقت الدنيا ف سكوتك ……….

بلاش حزنك

أنا حلمك

أنا همسك

أنا ليلك أنا حضنك

انا بكره أنا امسك

أنا شوق الهوي لأمسك

وف عيوني

يكون رسمك مع اسمي

يادنيتي واسمك …

ياشايله م الورود كفه

ياعمري وانتي ف اللفه

انا عاشقك ومجنونك

وحبك يعدل الكفه

وعهد الله بموت فيكى

وف عنيكي

ياوخده م الكريز شفه

من السعوديةالشاعرالمصري / إســلام الـشـاعـر